अमेरिकाको वासिङ्टन रेन्टनमा भुट्निज कम्युनिटी रिसोर्स सेन्टर अफ वासिङ्टनको आयोजनामा दशैं तिहार धमका २०२४ हुने भएको छ । फागोको मुख्य प्रायोजन रहेको कार्यक्रम सेप्टेम्बर १९ मा हुने भएको छ । लोकप्रिय गायक राजेश पायल राई , यम बराल र गायिका लिला गजमेरको प्रस्तुती हुने यस कार्यक्रम दशैं र तिहारको अवसरमा सांगीतिक कार्यक्रम मार्फत सांस्कृतिक महत्व दर्शाउने उदेश्यले यो कार्यक्रमलाई आयोजना गरिएको अध्यक्ष हेम कुमार क्षेत्रीले जानकारी दिनुभएको छ । यस कार्यक्रममा प्रबेश शुल्क ४० डलर राखिएको छ । कार्को थिएटरमा हुने यो कार्यक्रम साँझ ५ बजेबाट सुरु हुनेछ । यो संस्था सन् २०१० मा स्थापना भएर बिभिन्न सामाजिक कार्यहरु गर्दै आईरहेको छ । यस संस्थामा उपाध्यक्ष आई पि ओली, सचीवमा जगत विश्व, सांस्कृतिक संयोजक बिकास लिम्बु, कोषाध्यक्ष भागी विश्व, संचार संयोजक नरेश राई लगायत अन्य पदाधिकारीहरु रहेर अघि सन्चालनमा आईरहेको छ ।
