२९ भदौ, झापा । नेकपा (माओवादी केन्द्र) का अध्यक्ष एवम् पूर्वप्रधानमन्त्री पुष्पकमल दाहाल प्रचण्डले बेथिति र विचलनकाबिरुद्ध आवाज उठाउन खोज्दा सरकार छोड्नुपरेको बताउनुभएको छ । आज बिहान झापाको विर्तामोडमा स्थानीयको ज्ञापनपत्र बुझ्दै प्रचण्डले भ्रष्टाचारका फाइल खोल्ने र विकृतिविरुद्ध आवाज उठाउने काम गर्दा आफूलाई प्रधानमन्त्रीबाट हटाइएको दाबी गर्नुभएको हो ।
प्रचण्डले गिरीवन्धु टी स्टेटको हदबन्दी प्रयोजनका लागि गणना गर्नु भनेर सर्वोच्च अदालतले आदेश दिएको ५१ विघा जग्गाका स्थानीयबासीलाई न्याय दिलाउन आफ्नो सक्दो पहल रहने बताउनुभयो ।
आज बिहान ५१ विघा जग्गामा भारतीय दुतावासको लगानीमा बनेको टेकबहादुर गिरी बसपार्कमा जग्गाको कित्ताकाट तथा किनबेच रोकिएको विषयमा स्थानीयवासीले पूर्वप्रधानमन्त्री दाहाललाई ज्ञापन पत्र बुझाएका थिए ।
